Sámirađđi háliida veahkehit hukset deaivvadanbáikkiid gos sámegiella geavahuvvo, ja dán háve mii lágidit bargobaji davvisámegiellagiidda.
Bargobajis čohkket giellaberošteddjiid digáštallamii, ja ulbmil lea gávdnat konkrehtalaš árvalusaid Sámiráđi giellabargui- ja strategiijai: mo lassánahttit sámegiela geavaheami sámi servodagas?
Sámekonferánsa Troandimis (2017) mearridii:
Sámegiella lea ollusiidda lunddolaš bargo- ja hállangiellan. Danin lea erenoamáš dehálaš ahte dat seailluhuvvo ja nannejuvvo ja ahte eambbosat sáhttet lunddolaččat geavahit sámegiela bargooktavuođain ja eará oktavuođain. Sámegiella galgá leat diehttelas áššin riegádeamis gitta jápmimii. Ráđđehus galgá movttiidahttit lohkat sámegiela ja addit ovdamuni daidda geat lohket sámegiela. Sámiid 21. Konfereansa bivdá Sámiráđi aktiivvalaččat bargat sámegiela giellabarggu nannemiin.
Sámirađđi lea ožžon árvalusaid sápmelaččain láhčit giellaarenaid sámegielagiidda, gos giellageavaheami digáštallajuvvo ja gos gollegiella gullo.
Mielddusin gávdnabehtet prográmma, ja Sámiráđi beales háliidan jearrat miellahtoorganisašuvnnain lea go din organisašuvnnas giellaberošteaddji gii berrešii searvat dán digáštallamii?
Prográmma
Báiki: Várjjat Sámi Musea, Vuonnabahta
Giellabargobadji
Áigi: juovlamánu 11.beaivve/11 December, dii 10-15 (norggabeal áiggi/Norwegian time)
Mo lassánahttit sámegiela geavaheami sámi servodagas?
10.00 Sámiráđđi savvá bures boahtima/Welcome
10.10 Isak Saba guovddáža bargu/Isak Saba Centre work: Jane Juuso, Sini Rasmus, Nina Margit, Máret Iŋgá Smuk
11.30 Sámegiela dilli, sámegiella servodagas/the situation of the Sámi language, the Sámi language in the society: Veikko Holmberg
12.00 Borranboddu/Lunch
12.45 Sámegiellageavaheapmi ja giellaovdánahttin/Usage and development of the Sámi language: Ánne-Kirste Aikio
13.30 Digáštallan/Discussion
– Mo lassánahttit sámegiela geavaheami sámi servodagas?/How to increase the usage of Sámi in the society?
– Mo sáhttá Sámiráđđi bargat sámegiála ovdáneamiin? How can the Saami Council contribute to the language development?
– Evttohit vihtta (5) čuoggát giellastrategiijai/Propose five (5) points for a language strategy
Davvisámegiella bargogiellan.