Bures boahtin oassálastit Sámiráđi čállingilvui! Sámiráđđi háliida hástit ja movttiidahttit nuoraid čállit iežaset sámegielain. Danin lágidat čállingilvvu mánáide ja nuoraide ON riikkaidgaskasaš álgoálbmogiid gielaid jagi gudnin.
Gilvu lea 6-30 ahkásaš mánáide ja nuoraide ja lea juhkkojuvvon viđa luohkkái. Bálkkašumit juhkkojuvvojit 100 000 NOK ovddas ja buoremus čállosat almmuhuvvojit.
Čállingilvu álgá 16.9.2019 ja nohká 17.11.2019 gaskaija áigge.
Čállosiid oažžu sáddet máŋga, nu maiddái vejolašvuohta vuoitit lassána! Gilvui
oažžu oassálastit okto, ustibiiguin dahje vaikko skuvlaluohkáin.
Goas: 16.9. – 17.11.2019 (čállosiid galgá sáddet ovdal gaskaija Norgga áigge)
Geasa: 6-30 ahkásaš sámemánáide ja -nuoraide
Fáddá: Oažžu ieš válljet, muhto čálus ferte leat sámegillii
Makkár: Čálli oažžu ieš válljet hámi; novealla, dikta, ráhkisvuođačálus, issorasčálus, ráidogova, máinnas, muitalus, duohta dáhpáhus, fáktateaksta dahje
eará. Nuoramusat sáhttet sárgut jus govvateaksta lea sámegillii.
Gáibádusat: Čálus galgá leat PDF hámis ja oažžu leat eanemustá 4 siiddu. Ovttas čállosiin ferte leat čálli namma, ahki, čujuhus, tlf. nummir ja šleađgapoastačujuhus. Juos eai leat iežaset oktavuohtadieđut sáhttá mielddusin bidjat váhnemiid dahje skuvlla oktavuođadieđuid.
Gosa sáddejuvvo: čujuhussii gollegiella@saamicouncil.net
Luohkát ja bálkkašumit:
Nuoramusat, geat eai vel máhte čállit
1. 2 000 NOK
2. 1250 NOK
3. 1000 NOK
9-13 ahkásaččat
1. 3 000 NOK
2. 1 500 NOK
3. 1 250 NOK
14-16 ahkásaččat
1. 5 000 NOK
2. 3 500 NOK
3. 2 000 NOK
17-22 ahkásaččat
1. 7 500 NOK
2. 5 500 NOK
3. 3 500 NOK
23-30 ahkásaččat
1. 10 000 NOK
2. 6 000 NOK
3. 4 000 NOK
Lassin mii vuorbádit njealljelogi 1.000 NOK árvosaš bálkkašumiid oassálastiid gaskkas.
Gilvui oassálastima bokte addá čálli Sámiráđđái lobi nama almmustahttimii, juos vuoitá bálkkašumiid ja vejolaččat čállosiid almmustahttimii.