Suoma Sámiid Guovddášsearvi lea vuođđuduvvon 1997 ja dat lea Suoma sámiid servviid gáhttoorganisašuvdna. Dat lea Suoma áidna lahttoorganisašuvdna Sámiráđis. SSG galgá ovttastahttit sámi álbmoga, sihkkarastit ja ovddidit sámi álbmoga, gielalaš, hálddahuslaš, ekonomalaš ja kultuvrralaš vuoigatvuođaid ja fuolahit guovddáš sámi áššiid nationála ja riikkaidgaskasaš oktavuođain.
SSG ulbmilat
- ovttastahttit sámiid
- sihkkarastit ja ovddidit sámi álbmoga, gielalaš, hálddahuslaš, ekonomalaš ja kultuvrralaš vuoigatvuođaid
- fuolahit guovddáš sámi áššiid nationála ja riikkaidgaskasaš oktavuođain
SSG lea vuođđuduvvon Anáris jagis 1997. Ásahančoahkkin dollojuvvui 5.10.1997. Vuođđudeaddjin ledje Sámi Siida rs, Johtti Sápmelaččat rs ja Roavvenjárgga Sámi Searvi Mii rs. Maŋŋelis guovddášsearvái leat searvan Suoma Sámi Nuorat (SSN) rs ja SámiSoster rs dehege sosiála- ja dearvvasvuođaorganisašuvdna, nuortalaš kultursearvi Saa’m Nue’tt rs ja Suoma boazosápmelaččat rs.
Miellahttosearvvit
SSG:s leat čieža (7) miellahttosearvvi:
Sámi Siida rs.
Johtti Sápmelaččat rs.
Roavvenjárgga sámi searvi Mii rs.
Suoma Sámi Nuorat rs.
SámiSoster rs.
Suoma Boazosámit rs.
Saa’m Nue’tt rs
Miellahttosearvin
SSG njuolggadusaid 4 § mielde searvvi lahttun sáhttá leat Suomas doaibmi registrerejuvvon sámesearvi, mas leat almmolaš sámepolitihkalaš ulbmilat ja man ulbmil lea ovttamielalaš dáid njuolggadusaid 2 §:in. Searvvi fásta lahtut galget maiddái leat sámegiela geavaheamis eiseválddiin addon lága (516/91) 2 §:s dárkkuhuvvon sápmelaččat.
Ođđa lahttoservviid dohkkeha ovddasteddjiidčoahkkin stivrra evttohusa mielde. Miellahtus lea vuoigatvuohta cealkit eret searvvis ja dan ferte dieđihit čálalaččat stivrii. Ovddasteddjiidčoahkkin mieđiha earu.
Ovddasteddjiidčoahkkin mearrida jahkásaččat lahttomávssu sturrodaga.
Stivra
Aslak Holmberg
ságadoalli, Sámi Siida rs.
Janne Näkkäläjärvi
várreságadoalli, Johtti Sápmelaččat rs.
Petra Laiti
Suoma Sámi Nuorat rs.
Ida-Maria Helander
SámiSoster rs.
Matti Aikio
Suoma Boazosámit rs.
Enni Similä
čálli ja ruhtadoalli, Suoma Sámi Nuorat rs.
Várrelahtut
Anne Helena Angeli
Roavvenjárgga sámi searvi MII rs
Laura Tapiola
Sámi Siida
Jouni Esa Nousuniemi
SámiSoster rs
Nils Henrik Valkeapää
Johtti Sápmelaččat rs